2023年明愛賣物會義工感言
2023年港島區明愛賣物會於11月5日在維園順利完成，青年牧民組很慶幸能繼續代表堂區負責籌備工作，為堂區服務！
如同往年一樣，2023年堂區義工陣容鼎盛，共二百多位義工攜手合作為此慈善籌款出力。義工團隊除了有婚姻與家庭牧民組、天使之韻青年音樂團、輔祭會和青年慕道班外，還有一班一同籌備及主持遊戲攤位的中學生。這些學生分別來自（排名不分先後）聖保祿中學、瑪利曼中學、張振興伉儷書院和香港華仁書院。我們非常感激以上學校的投入和支持，學校的參與不但為我們12個攤位增添活力，更讓我們堂區的青年認識其他天主教學校的學生，彼此作信仰上的交流，當對方信仰路途的同行者。
每年明愛賣物會都是靠堂區總動員一起在自己的崗位上默默付出、互相合作才能成就的，2023年亦不例外。除了上述的義工單位外，本堂神長的支持和教友們的慷慨解囊均是不可或缺。從賣物會前的義賣以及當日的活動中，堂區順利籌集善款超過十萬元，將全數撥捐明愛，用作各項服務的經費。
最後感謝堂區攝影組在賣物會當日為我們一眾義工拍照留念。每一張照片都體現堂區大家庭的共融，相信青年們在今次賣物會獲益不少，亦會把主的喜樂與更多人分享。感激大家的支持，期望來年再與大家一起為天主服務！
義工感言：
「2023年係我第一次做明愛賣物會嘅其中一位負責人，同對上年以學校嘅名義去幫手好唔同。今次係由前期準備、賣獎券到正日活動都有幫忙，呢啲經歷令我獲益良多。好開心好多義工都十分落力幫忙，亦都好享受賣物會嘅過程，仲認識咗新朋友。希望我哋共同嘅付出唔單只可以幫助到有需要嘅人，仲可以令各位義工有一個美好嘅回憶，一齊為明愛出一分力！」
Vincy （聖保祿中學學生）
「我上次參與明愛賣物會義工服務已經係2016年嘅事，當時係其中一名小義工，主要負責睇一個小檔，對當時嘅記憶已經有少許模糊，但記得好開心好充實。去咗外國6年，已經畢業埋，2023年係我第一次有幸做其中一位負責人，幫明愛賣物會實踐「以愛服務，締造希望」 嘅使命，見到堂區咁多人以唔同嘅方式去為呢一次嘅明愛賣物會作貢獻，好感恩，要感謝所有前前後後有付出嘅人！佢哋無論係賣獎券同遊戲券、分禮物、物流、pre-sale同埋正日都落手落腳幫忙。希望將來可以繼續同大家一齊努力，明愛賣物會可以一年比一年做得更好！」
Simone （聖保祿學校舊生）
「好開心有機會參加明愛賣物會做義工，可以為有需要嘅人提供幫助。睇到佢哋嘅笑容同感謝，心裡充滿滿足同喜悦。同伴和朋友一齊合作，共同努力，增進咗友誼。呢次經歷令我明白到關心其他人、樂於助人嘅重要性，希望能繼續投入義工服務，非常期待下年嘅明愛賣物會。」
Vianna （瑪利曼中學學生）